Mae rhyw fyrdd o ryfeddodau,
  Iesu, yn dy farwol glwy’;
trwy dy loes, dy gur a’th angau
  caed trysorau fwy na mwy:
ni all cerwb byth na seraff
  lawn fynegi gwerth yr Iawn
a roed drosom gan Gyfryngwr
  ar Galfaria un prynhawn.

Pwy all fesur maint ei gariad,
  a rhinweddau maith ei ras?
Nid angylion, er eu doniau,
  na holl seintiau daear las;
môr di-drai, heb waelod iddo,
  sydd yn chwyddo byth i’r lan;
nofia miloedd ynddo’n hyfryd
  draw ir bywyd yn y man.


DANIEL JONES, 1788?-1848